جنوبی افریقہ میں فٹبال کے عالمی کپ کے شروع ہونے سے پہلے وارم اپ میچ میں انگینڈ نے مقامی پلیٹنیم سٹار کلب کو تین صفر سے ہرا دیا ہے۔
عالمی کپ میں انگلینڈ کا پہلا میچ بارہ جون کو امریکہ کے ساتھ ہو گا۔
میچ میں انگلینڈ کے کھلاڑی وائن رونی نے عمدہ کھیل کا مظاہرہ کیا اور ٹیم کو میچ کے شروع میں ہی برتری دلا دی۔
انگلینڈ کی ٹیم کے کوچ کیپلو کو وائن رونی سے اسی طرح کے کھیل کی توقع تھی لیکن کوچ کے لیے رونی کی شخصیت کا برا پہلو جو ان کے تعاقب میں رہتا ہے پریشانی کا باعث ہے۔
انگلینڈ کو اگر جنوبی افریقہ میں عمدہ کارکردگی کا مظاہرہ کرنا ہے تو لازمی طور پر رونی کی اس خامی پر قابو پانا ہو گا۔
میچ کے دوسرے ہاف میں وائن رونی کی پلیٹنیم سٹار کلب کے کھلاڑی کے ساتھ ناچاقی ہو گئی اور اس سے پہلے کہ انھیں ایمپائر کی جانب سے کوئی وارننگ ملتی ان کے کوچ نے مداخلت کرتے ہوئے معاملے کو سلجھایا۔
انگلینڈ نے اگرچہ ایک کمزور ٹیم کے خلاف وارم اپ میچ میں فتح حاصل کی ہے لیکن بارہ جون کو امریکہ کے ساتھ عالمی کپ کے میچ سے پہلے اس کے اعتماد میں اضافہ ہو گا۔
No comments:
Post a Comment